REAL TV-də yayımlanan "Sabaha Elnarə ilə" proqramında cəmiyyətimiz üçün həyati əhəmiyyət kəsb edən orqan donorluğu və transplantasiyası mövzusunda çox faydalı müzakirələr aparılıb.
Azərbaycan Ürək və Damar Cərrahiyyəsi Cəmiyyətinin sədri, Mərkəzi Klinik Xəstəxananın baş həkimi, Prof. Dr. Kamran Musayev, Orqan Donorluğu və Transplantasiyası üzrə Koordinasiya Mərkəzinin rəhbəri Yeganə Abbasova və ölkəmizdə ilk ürək transplantasiyası əməliyyatı keçirmiş Rəşad Məmmədəliyev ilə birgə bu sahədəki yeniliklərdən, maarifləndirmənin vacibliyindən danışıb.
