"Next Gen Doctors" tibb tələbələri klubunun təşkilatçılığı ilə gənc həkim namizədlərinin peşəkar inkişafına həsr olunmuş "Gələcəyin nəbzini tut" adlı tədbir keçirilib. Tədbirin fəxri qonağı və əsas spikeri tanınmış ürək-damar cərrahı, tibb elmləri doktoru, professor Dr. Kamran Musayev olub.
Görüşün əsas məqsədi professor Musayevin illərlə qazandığı zəngin klinik təcrübəni, peşəkar bilikləri və gənc həkimlik yolunda vacib olan motivasiyaedici, istiqamətləndirici fikirləri tələbələrlə bölüşmək idi.
Tədbir böyük maraqla qarşılanıb və zalda 200-dən çox tələbə iştirak edib. İştirakçılar təqdim olunan məlumatları yalnız nəzəri mühazirə deyil, həm də gələcək peşəkar həyatları üçün dəyərli bir yol xəritəsi kimi dəyərləndiriblər.
Professor Kamran Musayev öz çıxışında uzun illik cərrahiyyə təcrübəsi, hər gün qarşılaşdığı çətin qərarların qəbulu mexanizmi, klinik düşünmə prosesi və özünün peşəkar inkişaf yolu barədə ətraflı məlumat verib. O, təkcə biliklərin deyil, həm də praktiki məqamların vacibliyini vurğulayaraq, tələbələrin peşəkar dünyaya hərtərəfli hazır girməsinin əhəmiyyətini qeyd edib.
Spiker xüsusilə həkimlik peşəsinin mənəvi məsuliyyətini önə çəkib. Professor Musayev vurğulayıb ki, həkim xəstənin yalnız fiziki vəziyyətinə deyil, eyni zamanda onun ümidinə, psixologiyasına və ailəsinin vəziyyətinə də toxunur. Proqram ərzində cərrahiyyə sahəsində doğru yanaşma, komanda işinin rolu, xəstə ilə effektiv ünsiyyət qurulması və kritik anlarda qərarvermə kimi mühüm mövzulara toxunulub.
Sonda tələbələrin sualları cavablandırılıb.
.jpeg)
.jpeg)
.jpeg)
.jpeg)
